کراچی (ویب ڈیسک) فیڈرل بورڈ آف ریونیو ( ایف بی آر) نے ٹیکس چوروں کیخلاف کاروائیاں تیز کرتے ہوئے بین الاقوامی شہرت یافتہ فیشن ڈزائینر نومی انصاری کیخلاف سوا ارب روپے کے سیلز ٹیکس فراڈ کی ایف آئی آر درج کرلی ہے۔
نجی ٹی وی آج نیوز کے مطابق کارپوریٹ ٹیکس آفس کراچی نے نومی انصاری کے خلاف ایک ارب 25 کروڑ روپے کے سیلزٹیکس فراڈ کی ایف آئی آر درج کی ہے۔ذرائع کے مطابق نومی انصاری کی بیرون ملک سے واپسی پر گرفتاری کا امکان ہے، ملزم کو گرفتارکرنے کے بعدکسٹمز اور ٹیکسیشن کورٹ کے سامنے پیش کیا جائے گا۔
اب فیشن ڈیزائنر کے خلاف ٹیکس ڈیمانڈ کا آرڈر بھی پاس کردیا گیا ہے۔
اس بارے میں ایف بی آر حکام کا کہنا ہے کہ انفورسمنٹ کے بارے میں جاری کردہ ہدایات کے روشنی میں ملک کی فیلڈ فارمشنز کی جانب سے کارروائیاں کی جارہی ہیں۔