لاہور (ویب ڈیسک) پنجاب اسمبلی کی خاتون رکن اسمبلی ایوان کی کارروائی کے دوران سیڑھیوں سے گر کرزخمی ہوگئیں، جنہیں ہسپتال منتقل کردیا گیا۔
پنجاب اسمبلی کا اجلاس ڈپٹی سپیکر ملک ظہیر اقبال چنڑ کی زیرصدارت ہوا جہاں اپوزیشن اراکین اور حکومتی ارکان کے درمیان گرما گرمی بھی ہوئی اور پاکستان تحریک انصاف (پی ٹی آئی) کے اپوزیشن اراکین نے ایوان سے واک آؤٹ کیا۔اس موقع پر اراکین نے صوبائی اسمبلی کی پرانی عمارت پر اجلاس بلانے کے فیصلے کی داد دی اور کہا کہ پرانی عمارت سے بہت ساری پرانی یادیں وابستہ ہیں اور اس عمارت کو زندہ رکھنے کے لیے یہ اچھا طریقہ ہے۔
فاطمہ صلاح الدین پپی کو گنگارام ہسپتال منتقل کردیا گیا جہاں وہ ایمرجنسی میں زیر علاج ہیں۔