پشاور (ویب ڈیسک) خیبرپختونخوا کے دارالحکومت پشاور میں ڈرائیور نے چالان کرنے پر ٹریفک اہلکاروں پر گاڑی چڑھا دی، واقعے کی سی سی ٹی فوٹیج سامنے آگئی۔
آج نیوز کے مطابق پشاور میں افسوسناک واقعہ پیش آیا ہے جہاں ڈرائیور نے ٹریفک قوانین کی خلاف ورزی پر چالان کرنے پر ٹریفک اہلکاروں پر گاڑی چڑھا دی، حادثے میں زخمی ہونے والے ٹریفک پولیس اہلکار کو اسپتال منتقل کردیا گیا جبکہ پولیس واقعے کے بعد ملزمان فرار ہوگئے۔
واقعے کی سی سی ٹی فوٹیج سامنے آنے پر پولیس نے ڈرائیور کے خلاف مقدمہ درج کرلیا۔پولیس کا کہنا ہے کہ ڈرائیور کا موبائل فون نمبر ٹریس کررہے ہیں، جلد ملزمان کو گرفتار کیا جائے گا۔