سورس: Screengrab
نئی دہلی (ویب ڈیسک) دنیا بھر میں کئی افراد اچانک حادثاتی موت کا شکار ہوکر دنیا سے چلے جاتے ہیں,بھارتی شہر دہلی سے تعلق رکھنے والا نوجوان خوفناک حادثاتی موت کا شکار ہو کر موت کی نیند سوگیا۔
آج نیوز نے بھارتی میڈیا کے حوالے سے بتایاکہ دہلی کے کرول باغ علاقے میں ایک عمارت کی دوسری منزل سے ائیر کنڈیشنر کا آوٹر سر پر گرنے سے 18 سالہ نوجوان کی موت ہو گئی۔
یہ واقعہ ہفتہ 17 اگست کی شام تقریباً 7 بجے اس وقت پیش آیا جب جیتیش چڈھا نامی نوجوان اپنی موٹرسائیکل پر بیٹھ کر اپنے دوست کے ساتھ بات چیت میں مصروف تھا۔ اسی دوران ایئر کنڈیشنر کا آؤٹردوسری منزل سے دونوں نوجوانوں کے اوپر آگرا۔