ڈھاکہ(ڈیلی پاکستان آن لائن)قومی کرکٹ ٹیم کے کپتان سلمان علی آغا نے کہاہے کہ ہم نے کم سکور بنائے جس کی وجہ سے شکست ہوئی۔میچ کےبعد گفتگوکرتےہوئے ان کاکہناتھا کہ ہم نے اچھی شروعات کی لیکن وقفے وقفے سے وکٹیں گنواتے رہے۔ ظاہر ہے ہم اس پر بیٹھ کر بات کریں گے، اور اگلے میچ میں ہمیں بہتر کھیلنا ہوگا۔
انہوں نے کہاکہ جب بھی آپ بنگلہ دیش آتے ہیں، تو ایسی ہی پچ کی توقع رکھتے ہیں ،بنگلہ دیش میں زیادہ بہتر وکٹیں مشکل سے ہی ملتی ہیں، ہم اس کے لیے تیار تھے، لیکن ہم معیار کے مطابق نہیں کھیل سکے۔ آپ یہ کہہ سکتے ہیں کہ ہمیں سنگل ڈبلز زیادہ لینے چاہیے تھے۔ ہم اس پہ بیٹھ کر بات کریں گے۔کپتان نےمزید کہاکہ میرا خیال ہے ہمارے بولرز نے اچھی بولنگ کی، کیونکہ جب آپ 111 کا ہدف بچا رہے ہوں تو آپ کے پاس غلطی کی کوئی گنجائش نہیں ہوتی۔ لیکن میں سمجھتا ہوں کہ انہوں نے اچھی بولنگ کی۔ اصل مسئلہ ہماری بیٹنگ کا ہے، ہمیں اگلے میچ میں بہتر بیٹنگ کرنی ہوگی۔