سورس: Pexels
لندن (ڈیلی پاکستان آن لائن) برطانیہ کے ایک خاندان میں ہمیشہ سے یہ مذاق چلتا تھا کہ ان کے والد اپنی والدین سے بالکل مختلف نظر آتے ہیں۔ والد کی بھوری آنکھیں اور کالے بال تھے جبکہ دادا دادی کی نیلی آنکھیں تھیں۔ یہ مذاق اب حقیقت بن چکا ہے کیونکہ معلوم ہوا ہے کہ میتھیو کے والد کو تقریباً 80 سال پہلے ہسپتال میں پیدائش کے وقت بدل دیا گیا تھا۔ افسوس کی بات یہ ہے کہ میتھیو کے والد کا گزشتہ سال انتقال ہو گیا اور وہ اس سچائی سے بے خبر رہے۔
میتھیو نے بی بی سی سے اس وقت رابطہ کیا جب انہیں سوسن نامی خاتون کے بارے میں خبر ملی، جنہیں 1950 کی دہائی میں ہسپتال میں غلطی سے تبدیل کیے جانے کے بعد این ایچ ایس ٹرسٹ سے ہرجانہ ملا تھا۔ میتھیو نے وبائی امراض کے دوران اپنے خاندانی تاریخ کے بارے میں سوالات کے جوابات تلاش کرنا شروع کیے اور اپنے لعاب کا نمونہ تجزیہ کے لیے بھیجا۔ جینیاتی کمپنی کے ڈیٹا بیس سے ان کے ڈی این اے سے ملتے جلتے خاندانوں کے نام سامنے آئے، جن میں سے آدھے نام ان کے لیے بالکل نئے تھے۔ اس سے انہیں شک ہوا کہ خاندانی مذاق واقعی سچ ہو سکتا ہے۔